Umhverfisstofnun hefur tekið saman nýjar tölur um útstreymi gróðurhúsalofttegunda fyrir loftslagssamning SÞ. Útreikningar ná yfir öll ár frá 1990 til 2006. Helstu niðurstöður eru þær að útstreymi gróðurhúsalofttegunda á Íslandi jókst um 14% frá 2005 til 2006 og hefur aukist um 24% frá 1990. Lesa meira

Aðildarríki Montrealbókunarinnar ákváðu á fundi sínum í síðustu viku að hætta framleiðslu og notkun ósoneyðandi vetnisklórflúorkolefna (HCFC) fyrr en áætlað hafði verið eða fyrir 2020 og 2030 í þróunarlöndum eða alls 10 árum fyrr en áður hafði verið samþykkt. Lesa meira

Útdráttur úr sérfræðingaskýrslu Alþjóðaveðurstofunnar og Milliríkjanefnd Sameinuðuþjóðanna um loftlagsbreytingar, um verndun ósonlagsins og loftslagsbreytingarnar. Lesa meira

Árið 1995 samþykktu í Washington 114 þjóðir alþjóðlega framkvæmdaáætlun um að draga úr mengun sjávar frá landstöðvum. Samþykktin markaði tímamót í baráttunni gegn mengun hafsins enda eiga um 80% af henni uppruna sinn á landi. Lesa meira

Mengun af völdum þrávirkra lífrænna efna er meðal alvarlegustu umhverfisvandamála jarðarinnar. Skaðsemi efnanna byggist á stöðugleika þeirra í lífverum og í náttúrunni, það er að þau eyðast ekki en safnast fyrir, m.a. í vefjum dýra, þar með talið í mönnum.

Best þekktu mengunarefnin eru DDT, HCH, lindan og PCB. Lesa meira

Lofthjúpur jarðar gegnir svipuðu hlutverki og glerið í gróðurhúsinu.  Hann hleypir greiðlega í gegnum sig sýnilegri sólargeislun en gleypir eða heldur inni miklum hluta varmageislunarinnar sem berst frá yfirborðinu.   Þannig takmarkar lofthjúpurinnar varmatap frá jörðinni.  Þessi áhrif lofthjúpsins á hitastig og loftslag á jörðinni eru nefnd gróðurhúsaáhrif.  Lesa meira

Ósonlagið er sólhlíf jarðarinnar.  Það verndar menn, dýr og gróður gegn skaðlegri útfjólublárri geislun frá sólu.  Aukning útfjólublárra geisla við yfirborð jarðar veldur hærri tíðni húðkrabbameins og getur einnig hækkað tíðni augnskaða, veikt ónæmiskerfi manna og dýra og dregið úr vexti plantna á landi og í sjó.  Snemma á 8. áratug þessarar aldar fóru menn að hafa áhyggjur af hugsanlegri eyðingu ósonlagsins af völdum klórflúorkolefna (CFC). Síðar hefur verið staðfest að þær áhyggjur eiga við rök að styðjast og að mörg önnur efni valda einnig eyðingu ósonlagsins. Lesa meira

Hnattræn mengun er sú mengun sem berst á milli landa oft langt að. Hlutverk Umhverfisstofnunar í slíkum málum felst fyrst og fremst í eftirfarandi viðfangsefnum: 1) Varnir gegn mengun hafsins 2) Stuðla að minni útblæstri gróðurhúsalofttegunda sem valda loftslagsbreytingum 3) Verndun ósonlagsins með takmörkun á notkun ósoneyðandi efna 4) Alþjóðlegt samstarf til að meta magn og gerð loftmengunarefna sem berast til Íslands erlendis frá 5) Verndun heimskautasvæðanna. Lesa meira