Norðurheimskautið

Heimskautssvæði Norðurlanda og Norðurhjarasamstarfið

Heimskautssvæði Norðurlanda - Ísland, Grænland, Svalbarði og Norðurkolla (nyrstu hlutar Finnlands, Noregs og Svíþjóðar) - eru meðal strjábýlustu landsvæða jarðar. Þar eru víðáttumiklar óbyggðir sem virðast ósnortnar. En eru þær jafn ósnortnar og sýnist? Á þessum svæðum fer fram umfangsmikil nýting náttúruauðlinda eins og villibráðar, fiskjar, beitarlanda, skóga og jarðefna. Einnig berst þangað nokkur mengun frá þéttbýlli svæðum.

Norrænt umhverfissamstarf miðar að því að bæta umhverfið og koma í veg fyrir umhverfisvandamál á Norðurlöndum og annar staðar í heiminum. Norræna ráðherranefndin um umhverfismál er í forsvari fyrir samstarfinu og tekur ákvarðanir um sameiginlegar framkvæmdaáætlanir, samstarfsverkefni, upplýsingamiðlun og aðgerðir, t.d. í Austur-Evrópu og á heimskautssvæðum Norðurlanda.

Norðurhjarasamstarfið, oft nefnt Rovaniemiferlið, skiptist í nokkra starfshópa:

• AMAP (Artic Assessment and Montoring Programme),
• CAFF (Conservation of Arctic Flora and Fauna),
• PAME (Protection of Arctic Marine Enviornment),
• EPPR (Emergency Prevention, Preparedness and Response).

Tengt Norðurhjarasamstarfinu er ADD (Artic Data Directory) sem er alþjóðlegur gagnabanki um umhverfismál Norðurhjara. Aðildarlönd að ADD council eru: Kanada, Danmörk, Finnland, Þýskaland, Ísland, Noregur og Rússland. Gagnabankinn er geymdur hjá AMAP.http://www.grida.no/amap

Ítarefni:

Heimskautssvæði Norðurlanda - ósnort, ofnýtt, mengað. 240 síðna bók með hörðum kili. Gefin út af Norrænu ráðherranefndinni árið 1996.
Þessa góðu bók má sækja frítt hjá Umhverfisstofnun á árinu 2004, á meðan birgðir endast.