Loftgæði og loftgæðamælingar

Engin loftgæðagögn eru til fyrir árið 1982, en loftmengun hefur fylgt þróun bílaumferðar. Í dag á meira en annar hver íslendingur bíl, en 65% af öllum bílum á Íslandi eru skráðir í Reykjavík og nágrenni. Umferð í Reykjavík er mikil bæði á umferðaræðum heldur einnig á verslunargötum. Meðalstyrkur köfnunarefnisdíoxíðs (NO2) er sjaldan meiri en 20 µg/m³ að vetrarlagi, en í veðurstillum fer magn köfnunarefnisdíoxíðs á sólarhring stundum yfir viðmiðunarmörk sem eru 75 µg/m³.  Á dögum sem svifryk hefur farið yfir viðmiðunarmörk er aðallega um að ræða malbik sem nagladekk spæna upp á veturna, en um 64% af svifryksmengun í Reykjavík kemur til vegna umferðar.

Smellið á nafn mælistöðvar til að sjá mæliniðurstöður (6 stöðvar eru tengdar)

Loftgæðamælingar

Á vegum Umhverfisstofnunar eru loftmengunarmælingar gerðar á nokkrum stöðum á höfuðborgasvæðinu og í nágrenni, auk þess sem mælt er við Mývatn (sjá kort að neðan). Á höfuðborgarsvæðinu eru mælistöðvar við Grensásveg, í Húsdýragarðinum reknar í samvinnu við Umhverfis- og Heilbrigðisstofu Reykjavíkur, auk þess sem á Keldnaholti er mæld ósonmengun við yfirborð jarðar. Við Mývatn eru mælingar á svifryki.

Mælingarnar á Miklatorgi og í Alviðru voru lagðar niður árið 2002, en mæligögnin standa fyrir sínu. Auk ofangreindra mælinga hefur Veðurstofa Íslands um árabil staðið að mælingum á efnum í úrkomu við Írafoss, í Vestmannaeyjum og á Litla-Skarði í Borgarfirði.

Á Grundartanga í Hvalfirði og á Hvaleyrarholti í Hafnarfirði eru framkvæmdar mælingar á svifryki, brennisteinsdíoxíði og flúoríði í tengslum við stóriðju, sem Umhverfisstofnun veitir starfsleyfi fyrir. Þessar mælingar eru í umsjá fyrirtækjanna sjálfra.

Nánari upplýsingar veitir Þorsteinn Jóhannsson í s. 591 2000