Ný flokkun og merking

Í undirbúningi er að setja nýja reglugerð um flokkun, merkingu og umbúðir efna og efnablandna sem koma mun í stað reglugerðar nr. 236/1990. Með nýju reglugerðinni verður komið á nýju flokkunarkerfi efna og efnablandna sem tekið verður upp í áföngum. Reglugerðin mun alfarið byggja á EB reglugerð nr. 1272/2008 sem þekkt er undir skammstöfuninni CLP (classification, labelling and packaging) þar sem tekið er upp samræmt flokkunar- og merkingarkerfi efna á heimsvísu.

Fleiri upplýsingar munu birtast á þessari síðu um undirbúning á nýrri reglugerð.

Útgáfa nýrrar reglugerðar

Áætluð útgáfa reglugerðar til innleiðingar EB-reglugerðar 1272/2008 mun tefjast af ófyrirséðum orsökum og verður ekki fyrr en síðar á árinu 2011.

Reglugerð (EB) nr. 1272/2008 (1355 bls., 6,58 MB)	Á ensku	Á íslensku
Efnisyfirlit		skoða
Hættumerki		skoða
Hættuflokkar		skoða
Hættusetningar	skoða	skoða
Varnaðarsetningar		skoða
Viðvörunarorð	danger/ warning	hætta/ varúð
Efnalistar	3.1 3.2	ekki tilbúnir

Íslenskar þýðingar verða settar inn í töfluna um leið og þær eru tilbúnar. Heildarþýðingu á reglugerðinni er lokið og verður hún birt innan skamms.

Helstu upplýsingar um CLP (uppfært 20. ágúst 2010)
Nánari skýringar á einstökum reglugerðarákvæðum (uppfært 8. desember 2010)

Breytingar á efnalistum

Núverandi efnalisti í fylgiskjali 1 við reglugerð nr. 236/1990 verður ekki uppfærður frekar. Búið er að samþykkja breytingar á listanum og verða breytingarnar aðeins birtar hér á ensku uns ný reglugerð tekur gildi. Hér er um að ræða uppfærslu á VI. viðauka í CLP reglugerðinni sem inniheldur flokkun skv. báðum flokkunarkerfunum. Í töflunni hér að ofan eru efnalistarnir uppfærðir með nýjustu breytingum, 3.1 er nýi listinn en 3.2 sá gamli. Upplýsingablað með nánari upplýsingar um breytingar á efnalistum.

Efnalistum í CLP reglugerð var síðast breytt með reglugerð (EB) nr. 790/2009 (breytingar á efnalistum í viðauka VI við CLP reglugerð) (439 bls., 8,42 MB)

Ný flokkun efna

Til þess að flokka efni samkvæmt forsendum CLP reglugerðar getur þurft að byggja á gögnum um hættueiginleika efna ef efnið hefur ekki verið flokkað áður.

Þjónustuborð

Umhverfisstofnun mun starfrækja sérstakt þjónustuborð í tengslum við innleiðingu CLP reglugerðar líkt og með REACH. Þessi síða er vísir að slíku þjónustuborði. Umhverfisstofnun mun vinna með Efnastofnun Evrópu og yfirvöldum í öðrum ríkjum við að afla upplýsinga og svör við innsendum spurningum.

Senda spurningu til Umhverfisstofnunar

Upplýsingar frá Efnastofnun Evrópu (ECHA):

Almennar leiðbeiningar (á ensku)
Leiðbeiningar um framkvæmd reglugerðar (á ensku, 6,37 MB)
Spurningar og svör (á ensku), útgáfa 1.1.2 frá 19.10.2010

Bréf til hagsmunaaðila

Leiðbeiningar þær sem hér eru birtar eru túlkun Umhverfisstofnunar og eftir atvikum Efnastofnunar Evrópu eða annarra stofnana á ofangreindri reglugerð. Þær ber ekki að skilja sem bindandi fyrirmæli og aðeins reglugerðin hefur lagalegt gildi. Engin ábyrgð er tekin á hugsanlegum villum og mistúlkunum í leiðbeiningum og fræðslugreinum.

Leiðbeiningar og fræðsla um CLP

Efnastofnun Evrópu í Helsinki hefur gefið út leiðbeiningarit og svör við algengum spurningum varðandi CLP reglugerð. Hér eru tenglar á þetta efni allt á einum stað og er það allt á ensku. Nú er lögð á það sérstök áhersla að hafa aðgengilegar leiðbeiningar varðandi tilkynningar á flokkun efna til ECHA.