30. júní 2017

Utanvegaakstur mikið vandamál​


Umhverfisstofnun og Vatnajökulsþjóðgarður hafa gert með sér samstarfssamning um landvörslu á suðurhálendinu í sumar og fram á haust.

Starfstöð er í Hálendismiðstöðinni Hrauneyjum þar sem landverðir veita fræðslu og upplýsingar til ferðamanna um Vatnajökulsþjóðgarð, friðland að Fjallabaki og önnur svæði í nágrenninu, milli kl. 9:00 - 17:00 alla daga. Einnig sinna landverðirnir svokallaðri vegalandvörslu þar sem landverðir eru á ferðinni um suðurhálendið og veita vegfarendum upplýsingar um verndarsvæðin og nágrenni þeirra og hvaða umgengnisreglur gilda á svæðunum.

Vegalandvarsla er mikilvægur þáttur í forvörnum gegn utanvegaakstri sem er mikið vandamál á suðurhálendinu. Vegfarendur eru m.a. upplýstir um mikilvægi þess að ganga vel um náttúruna, aka ekki utan vega og hafa náttstað á skilgreindum tjaldsvæðum. Þessi þáttur starfsins hefur skilað góðum árangri í bættri ferðahegðun gesta á hálendinu að mati sérfræðinga Umhverfisstofnunar og Vatnajökulsþjóðgarðs.

Til baka
Rauði listinn

Rauði listinn

Veita þarf ákveðnum friðlýstum svæðum á Íslandi sérstaka athygli og aðhlynningu.
Meira