Sorpurðun Vesturlands

Upplýsingar um rekstur frá starfsleyfishafa

Sorpurðun Vesturlands hf. er stofnað árið 1997 og er alfarið í eigu sveitarfélaganna á Vesturlandi, sem eru 10 talsins. Megin tilgangur félagsins, skv. samþykktum, er móttaka og förgun á sorpi. Starfsstöð fyrirtækisins er í Fíflholtum á Mýrum þar sem móttaka og urðun á úrgangi fer fram.

Sorpurðun Vesturlands hf. mun leitast við að

byggja upp og efla samstarf við sveitarfélögin sem að fyrirtækinu standa.
stuðla að og efla samstarf við Samband ísl. sveitarfélaga um hagsmunamál sveitarfélaganna á sviði úrgangsmála.
eiga samstarf við önnur sorpsamlög og aðra hagsmunaaðila, m.a. um gerð svæðisáætlana um meðhöndlun úrgangs og annað er lýtur að málaflokknum og eignaraðilar kunna að fela félaginu.
nýta sem best og skynsamlegast urðunarsvæðið í Fíflholtum.
haga starfsemi sinni ætíð í sem bestri sátt við umhverfið.
hafa það sem megin markmið að taka fyrst og fremst sorp af Vesturlandi til urðunar. Gera má undantekningar á þessi ákvæði ef vel rökstuddar ástæður liggja til grundvallar.
finna leiðir til að laga rekstur félagsins að fyrirsjáanlegum samdrætti í sorpmagni sem fer til urðunar, vegna vaxandi flokkunar og endurvinnslu úrgangs.