Díma í Lóni, Sveitarfélaginu Hornafirði

Díma í Lóni var friðlýst sem náttúruvætti árið 1975. Díma er er klapparhæð á aurum Jökulsár í Lóni, með fjölbreyttum gróðri. Klettaborgin Díma er landamerki milli jarðanna Stafafells og Þórisdals. Díma var friðlýst sem náttúruvætti árið 1975 og girt af.

Díma hefur augljóslega lengi verið eyja í Jökulsá og ber merki þess að vera sorfin af ánni. Lóðrétt standberg er norðanmegin, þar sem áin rennur í dag. Vestur-, suður- og austurhlíðar klettaborgarinnar eru einnig snarbrattar en einungis er greiðfær leið upp að suðvestanverðu, frá varnargarðinum sem tengir Dímu við Dalsfjall.

Stærð náttúruvættisins er 6,4 ha.

• Auglýsing um friðlýsingu Díma í Lóni
• Kort af friðlýsta svæðinu