Grábrókargígar, Borgarbyggð

Grábrókargígar voru fyrst friðlýstir árið 1962 en friðlýsingunni var breytt árið 1975. Gígarnir eru þrír, Litla-Grábrók hvarf að mestu við framkvæmdir en Stóra-Grábrók rís fagurformuð fast við þjóðveginn. Þriðji gígurinn er vestar og heitir Grábrókarfell. Gígarnir tilheyra eldstöðvakerfi sem teygir sig langt vestur á Snæfellsnes. Hraun úr gígunum þekur stóran hluta Norðurárdals. Gangandi fólki er heimil för um hið friðlýsta svæði enda sé fylgt merktum slóðum og snyrtimennsku gætt í hvívetna.   

Stærð náttúruvættisins er 28,7 ha.

• Auglýsing um náttúruvætti í Grábrókargígum
• Kort af friðlýsta svæðinu