06. júlí 2018

Dregið úr álagi á náttúru í Landmannalaugum


Undanfarin 2 ár hefur verið unnið að uppbyggingu göngustígar um Laugahraun í Landmannalaugum. Í sumar verður þeirri vinnu haldið áfram undir handleiðslu landslagsarkitekts og með digri aðstoð sjálfboðaliða Umhverfisstofnunar. Framkvæmdir í ár takmarkast við það fjármagn sem úthlutað hefur verið í verkefnið. Klárað verður að ganga frá köntum göngustígarins og endurheimta gróður umhverfis stíginn þar sem hann lætur mikið á sjá vegna átroðnings. Ákveðin svæði hafa verða girt af, leiðbeinandi skilti sett upp og tugi villustíga verið lokað sem liggja um Laugahraun. Ekki verður klárað að setja dökkt yfirborðsefni á göngustíginn, en gert er ráð fyrir að það verði gert á næsta ári ásamt því að  halda áfram uppbyggingu og viðhaldi á Laugaveginum áleiðis að Brennisteinsöldu.

Tekist hefur að draga verulega úr átroðningi í Laugahrauni eftir aðgerðir síðustu tveggja ára með uppbygging göngustígarins, lokun villustíga sem hefur leitt af sér skilvirkari stýringu umferðar um hraunið. Gróður er að taka vel við sér eftir veturinn og lang flestir gestir friðlandsins halda sér á stígnum og fylgja leiðbeinandi skiltum þar um. Landvarsla hefur verið aukin í Landmannalaugum og eru landverðir nú þar til staðar frá morgni til kvölds til að fræða, upplýsa og leiðbeina gestum um friðlandið og bætta ferðahegðun.

Til baka

Myndir með frétt

Mynd sem fylgir - Rauði listinn

Rauði listinn

Veita þarf ákveðnum friðlýstum svæðum á Íslandi sérstaka athygli og aðhlynningu.
Meira