Umhverfistofnun - Logo

Svæði í Þjórsárdal

Fulltrúar Umhverfisstofnunar, Skeiða- og Gnúverjahrepps, Skógræktarinnar, Minjastofnunar Íslands, Náttúrufræðistofnunar Íslands og hagsmunaaðila vinna nú að gerð stjórnunar- og verndaráætlunar fyrir svæði sem var friðlýst í Þjórsárdal árið 2020.

Þjórsárdalur býr yfir jarðfræðilegri sérstöðu, fágætu, sérstöku og fögru landslagi ásamt sérstökum náttúrufyrirbærum. Svæðið er friðlýst sem landslagsverndarsvæði en innan þess eru náttúruvættin Hjálpafoss, Gjáin, Háifoss og Granni. Náttúruvættin eru friðlýst vegna sérkenna, þ.e. jarðfræðilegrar og líffræðilegrar fjölbreytni. Svæði við Rauðukamba og Fossöldu er skilgreint sem svæði með sérreglum vegna viðkvæmni þess. Hið friðlýsta svæði er 58 km2 að stærð.

Hér að neðan er að finna verk- og tímaáætlun og samráðsáætlun vegna verkefnisins. Lögð er áhersla á opið og gagnsætt ferli og eru einstaklingar hvattir til að kynna sér verkefnið og senda inn athugasemdir og ábendingar.

Frekari upplýsingar veita Aron Geir Eggertsson, aron.geir@ust.is og Hákon Ásgeirsson, hakon.asgeirsson@ust.is  eða í síma 591-2000. 

Verk- og tímaáætlun
Samráðsáætlun