Skotvopnanámskeið

Umhverfisstofnun annast framkvæmd skotvopnanámskeiða og prófa samkvæmt samningi við Ríkislögreglustjóra. Hafa skal í huga að enginn má eignast eða nota skotvopn nema að fengnu skotvopnaleyfi. Jafnframt má enginn fara á veiðar nema hafa gilt skotvopnaleyfi og hafa meðferðis gilt veiðikort.

Skilyrði fyrir veitingu skotvopnaleyfis eru:

1. Að hafa náð 20 ára aldri og hafa ekki verið sviptur sjálfræði.

2. Að hafa ekki gerst brotlegur við ákvæði almennra hegningarlaga, áfengislaga, laga um ávana- og fíkniefni, vopnalaga eða laga um vernd, friðun og veiðar á villtum fuglum og villtum spendýrum.

3. Að hafa nægilega kunnáttu til þess að fara með skotvopn, vera andlega heilbrigður og vera að öðru leyti hæfur til þess að fara með og eiga skotvopn.

Ef lögreglustjóri telur, eftir að hafa kannað umsókn og fylgigögn og önnur þau atriði sem hann telur nauðsynleg, að til greina komi að veita umbeðið leyfi skal umsækjandi sækja námskeið í notkun og meðferð skotvopna og standast próf að námskeiði loknu. Ef upp koma vafamál er tengast skilyrðum eða fylgigögnum þarf viðkomandi að hafa samband við lögregluna.

Það sem þarf að gera minnst tveimur vikum fyrir auglýst námskeið:

  1. Skrá sig á ákveðið námskeið. Sjá link hér fyrir neðan.
  2. Millifæra námskeiðsgjöldin strax við skráningu. Sjá nánar undir „Námskeiðsgjöld“.
  3. Sækja um læknisvottorð.
  4. Sækja um sakavottorð til viðkomandi sýslumanns.
  5. Skila gögnum inn til lögreglu þar sem lögheimilið er. Íbúar á höfuðborgarsvæðinu eiga að skila gögnum inn til Lögreglustjórans á höfuðborgarsvæðinu, Krókhálsi 5B. II hæð, 110 Reykjavík. Muna eftir eyðublaðinu með undirskrift tveggja meðmælenda. Þeir þurfa ekki endilega að hafa sjálfir skotvopnaleyfi, en þurfa að vera orðnir tvítugir. Lögreglunemum ber að skila inn þessu eyðublaði. Ef viðkomandi umsækjenda er hafnað af lögreglu er hægt að óska eftir endurgreiðslu á námskeiðsgjöldum.
  6. (Lesa bókina Veiðar á villtum fuglum og spendýrum e. Einar Guðmann fyrir veiðikortanámskeiðið)
  7. Lesa Skotvopnabókina e. Einar Guðmann fyrir skotvopnanámskeiðið.
  8. Hvatt er til þess að taka æfingatíma á viðurkenndum skotvelli með leiðsögn frá aðila viðkomandi skotfélags.
  9. Standast próf að námskeiði loknu.

Verði skráningar á námskeið fleiri en sætafjöldi ganga þeir fyrir sem ganga fyrstir frá greiðslu námskeiðsgjalda og skila gögnum til lögreglu. 

Fyrirkomulag skotvopnanámskeiða

Umhverfisstofnun heldur skotvopnanámskeið sem að jafnaði standa yfir 3 daga. Bókleg kennsla fer fram fyrstu tvo dagana en verkleg þjálfun haldin á þriðja degi. 

Fyrsti dagur 

  • Skotvopn og skotfæri 
  • Öryggi og meðhöndlun
  • Skotfimi og eiginleikar skotfæra 

Annar dagur 

  • Vopnalöggjöfin 
  • Landréttur
  • Próf 

Þriðji dagur

  • Verkleg undirstöðuþjálfun á skotsvæði. Nánari upplýsingar um framkvæmd verklegrar þjálfunar verða veittar á námskeiðinu, en að jafnaði fer verkleg þjálfun fram í framhaldi af bóklega hlutanum eða daginn eftir. Framkvæmd verklega hlutans er á ábyrgið tilgreinds skotfélags.

Próf er tekið í lok fyrirlestra bóklega hlutans. Fullnægjandi árangur á prófinu er 75% rétt svör. Mælt er með að nemendur lesi „Skotvopnabókina“ áður en námskeiðið hefst. Bókin fæst í bókabúðum.

Námskeiðstímabilið er að jafnaði frá maí til júní og aftur frá ágúst og út október. Upptökupróf eru í boði á sama tímabili.


Næstu Skotvopnanámskeið

 

Reykjavík

sREK0419  (FULLBÓKAÐ)
21.-22. ágúst kl 18:00-22:00 (mið/fim) Bóklegt á Grand Hótel.
24. ágúst frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK0519 (FULLBÓKAÐ)
28.-29. ágúst kl 18:00-22:00 (mið/fim) Bóklegt á Grand Hótel.
31. ágúst frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK0619
11.-12. sept kl 18:00-22:00 (mið/fim) Bóklegt á Grand Hótel.
14. sept frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK0719
18.-19. sept. kl 18:00-22:00 (mið/fim) Bóklegt á Grand Hótel.
21. sept. frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK0819
2.-3. okt kl 18:00-22:00 (mið/fim) Bóklegt á Grand Hótel.
5. okt. frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK0919
9.-10. okt. kl 18:00-22:00 (mið/fim) Bóklegt á Grand Hótel.
12. okt. frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

sREK1019
16.-17. okt. kl 18:00-22:00 (mið/fim) Bóklegt á Grand Hótel.
19. okt. frá kl 10:00 (lau til ca 14:00) Verklegt á vegum Skotfélags Reykjavíkur Álfsnesi.

Skagafjörður

sSKA0119
16-17. ágúst kl 18:00-22:00/9:00-13:00 bóklegt hjá Skotfélagi Ósmann
Eftir bóklegt farið í verklegan hluta í samstarfi við Ósmann.

Akureyri

sAKU0219
23-24. ágúst kl 18:00-22:00/9:00-13:00 (fös/lau) bóklegt hjá Háskólanum á Akureyri (M201).
Leiðbeinandi: Emil B. Björnsson.
24. ágúst frá kl 14:00 verklegt á vegum Skotfélags Akureyrar

Akranes

sAKR0119
29-30. ágúst kl 18:00-22:00 (fim/fös) bóklegt í Grundaskóla.
Leiðbeinandi: Jónas H Ottósson.
31. ágúst kl 10:00-14:00 verklegt á vegum Skotfélags Akraness.

Borgarnes

sBOR0119
4-5. okt kl. 18:00-22:00/9:00-13:00 Bóklegt á Hótel Hamri
Leiðbeinandi: Ómar Jónsson.
5. okt. kl 14:00-18:00 verklegt á vegum Skotfélags Vesturlands.

Snæfellsnes

sGRU0119
13-14. sept. kl. 18:00-22:00/9:00-13:00 Bóklegt í Grunnskóla Grundarfjarðar.
Leiðbeinandi: Ómar Jónsson
14. sept. Kl. 14:00-18:00 verklegt á vegum Skotfélags Snæfellsnes, Skotgrund.

Reyðarfjörður

sREÐ0119
6-7. september kl 18:00-22:00/9:00-13:00 hjá Austurbrú á Reyðarfirði
Leiðbeinandi: Emil B. Björnsson
7. september frá kl 14:00 á vegum Skotf Dreka

Rangárvellir

sRAN0119
6.-7. september kl 18:00-22:00/9:00-13:00 bóklegt í félagsaðstöðu skotfélagsins (með fyrirvara)
Leiðbeinandi Magnús Ragnarsson
7. september kl 14:00-18:00 verklegt á vegum Skotíþróttafélagsins Skytturnar.