06. september 2017

Grænn lífstíll, umhverfismerki og siðræn neysla


Vilt þú standa þig betur í umhverfismálum?

Ef svarið er já munu AkureyrarAkademían, Umhverfisstofnun og Neytendasamtökin standa fyrir fræðslu um umhverfismál á Fundi fólksins á Akureyri föstudaginn 8. september kl. 12:30 í Dynheimum, Hofi. Yfirskriftin er: Það minnsta sem þú getur gert.

Elva Rakel Jónsdóttir, teymisstjóri hjá Umhverfisstofnun, fjallar um grænan lífstíl, umhverfismerki sem treysta má og hvað hver og einn getur lagt fram í þágu sjálfbærs umhverfis. Það munar um það minnsta hjá hverjum og einum.

Brynhildur Pétursdóttir, fulltrúi hjá Neytendasamtökunum, fjallar um siðræna neyslu og hvernig neytendur geta beint viðskiptum sínum til fyrirtækja sem axla samfélagslega ábyrgð. Skilaboðin skipta máli.

Elva og Brynhildur munu eiga samtal við fundargesti að erindum loknum.

Allir velkomnir.

Til baka
Mynd sem fylgir - Rauði listinn

Rauði listinn

Veita þarf ákveðnum friðlýstum svæðum á Íslandi sérstaka athygli og aðhlynningu.
Meira