Efni

Efni, efnablöndur og hlutir sem innihalda efni eru allt í kringum okkur og gilda um þau ákveðnar reglur til að lágmarka áhættu sem fylgir notkun þeirra. Íslensk löggjöf í þessum málaflokki byggir á löggjöf Evrópusambandsins og fylgir Ísland þannig stefnu sambandsins í þessum málaflokki. Í efnalögum nr. 61/2013 er Umhverfisstofnun falið það hlutverk að hafa umsjón með framkvæmd laganna, vera ráðherra til ráðgjafar og fara með eftirlit eftir því sem kveðið er á um í lögunum. 

Hlutverk Umhverfisstofnunar eru meðal annars:

  1. Stjórnsýsla
    1. Vinna við innleiðingu löggjafar ESB svo sem að greina gerðir áður en þær eru innleiddar hér á landi, skrifa drög að reglugerðum og kynning á þeim fyrir hagsmunaaðilum. 
    2. Gagnaskil til ESB og alþjóðlegra stofnana um framkvæmd reglugerða og alþjóðlegra samninga. 
  2. Gerð eftirlitsáætlunar og framkvæmd eftirlits.
    1. Eftirlit með efnum, efnablöndum og hlutum sem innihalda efni
    2. Taka við ábendingum um ólöglega vöru og bregðast við

    Hér má nálgastEftirlitsáætlun 2017-2019 og áherslur í efnamálum

  3. Útgáfa leyfa.
    1. Markaðsleyfi fyrir plöntuverndar- og sæfivörum
    2. Notendaleyfi fyrir plöntuverndarvörum og útrýmingarefnum
    3. Staðfesting markaðsleyfa Efnastofnunar Evrópu
  4. Upplýsingagjöf:
    1. Til annarra stjórnvalda 
    2. Til iðnaðarins í gegnum þjónustuborð um efnamál (Helpdesk), kynningarfundi og kynningu í fyrirtækjum
    3. Til almennings
    4. Kennsla á námskeiðum sem tengjast lögum og reglum um efnavörur 
  5. Þátttaka í norrænu og evrópsku samstarfi.

 

UpplýsingafundurTækifæri í ráðgjöf um efnamál

 

Smelltu hér til að nálgast upptöku af fundinum