Umhverfistofnun - Logo

Grænir áfangastaðir

Allir áfangastaðir sem koma vel út úr ástandsmati með 8 eða hærra í einkunn teljast vera grænir áfangastaðir. Óneitanlega er misjafnt milli þessara staða hversu fjölsóttir þeir eru og hafa ber í huga að sumir þeirra koma vel út vegna fæðar ferðamanna. Ekki er líklegt að ágætiseinkunn héldi sér ef gestakomum myndi fjölga án frekari innviðauppbyggingar.

Vert er þó að tilgreina að hér er jafnframt að finna áfangastaði sem hafa verið byggðir upp til að taka við miklum fjölda gesta. Má þar nefna áfangastaði innan þjóðgarðsins Snæfellsjökull og Dynjanda.

Grænir áfangastaðir:

 Arnarstapi
 Álfaborg
 Innan Bláfjallafólkvangs: Þríhnjúkagígar 
 Búðahraun
 Dimmuborgir
 Dynjandi
 Dyrhólaey (háey)
 Dverghamrar
 Eldborg
 Grábrók
 Goðafoss
 Innan Hornstranda: Horn, Höfn, Látrar og Veiðileysufjörður 
 Hrútey
 Hraun
 Hraunfossar
 Húsafell
 Ingólfshöfði
 Kattarauga
 Kirkjugólf
 Klasar
 Krossanesborgir
 Ósland
 Seljahjallagil
 Skógarfoss (láglendi)
 Skútustaðir
 Ströndin Stapar - Hellnar
 Surtarbrandsgil
 Teigarhorn
 Innan Vatnsfjarðar: Hörgsnes, Vatnsdalur og Þingmannaá 
 Innan Þjóðgarðsins Snæfellsjökull: Djúpalón, Lóndrangar, Malarrif, Saxhóll, Skarðsvík, Skálasnagi, Svalþúfa og  Öndverðanes. 
 Varmárósar
 Innan Vatnajökulsþjóðgarðs: Askja, Drakagil, Eldgjá, 
 Fjallsárlón, Holuhraun,
 Hvannalindir, Laki,
 Langisjór, Sel,
 Skaftafell tjaldsvæði,
 Skaftafell þjónustumiðstöð,
 Snæfell gönguleið,
 Svartifoss, Tjarnargígur
 InnanÞjóðgarðsins á Þingvöllum: Almannagjá, Hakið og Öxarárfoss

Hér má finna áfangastaði sem fyrir nokkrum árum voru í hættu, en hafa nú með auknu fjármagni, innviðauppbyggingu og betri stýringu náð sér þannig að þróuninni hefur verið snúið við. Hér má nefna Surtarbrandsgil sem var á appelsínugulum lista til ársins 2016, Dynjanda, sem var einnig á appelsínugulum lista bæði 2014 og 2016 en hefur nú fengið þá innviðauppbyggingu sem þarf til að nátttúruvættið og umhverfi þess geti sómasamlega boðið alla gesti sína velkomna.