Fimmta Umhverfisþing umhverfisráðuneytisins fer fram í Reykjavík dagana 12. og 13. október næstkomandi. Þingið mun að þessu sinni fjalla um náttúruvernd og líffræðilega fjölbreytni. Það er opið öllum og einungis þarf að greiða fyrir hádegisverð. Hér er hægt að skrá sig á þingið.

Nú liggja fyrir drög að dagskrá Umhverfisþings. Sérstök athygli er vakin á því að Achim Steiner, framkvæmdastjóri Umhverfisstofnunar Sameinuðu þjóðanna, UNEP, mun flytja ávarp við þingsetninguna.

• Hér er að finna nánari upplýsingar um 13 alþjóðlega samninga um náttúru- og menningarumhverfi þ.a.m. samninginn um líffræðilega fjölbreytni.