Stök frétt

Miðvikudaginn 24. apríl verður í 18. sinn alþjóðlegur dagur hávaðavitundar (international noise awareness day). Með deginum vilja Evrópsku hljóðvistarsamtökin (European Acoustics Association, EAA) og fleiri samtök vekja athygli á hættunni sem fylgir langtímaáhrifum af hávaða, m.a. heyrnarskerðingu. Í tilefni dagsins hafa samtökin lagt fram uppskrift að hljóðláta kúrnum sem sagt er að hafi jákvæð áhrif á heilsu og heilbrigði.

Hjóðláti kúrinn

Í dag frá 14:15 – 14:16 verða 60 sekúndur án hávaða. Á þessari mínútu er fólk hvatt til að velta fyrir sér áhrifum hávaða á heilsu og heilbrigði sitt, um leið og örlítið hlé verður á daglegum hávaða í umhverfinu.

Hljóðláti kúrinn

  • Taktu eftir hávaðanum sem þú skapar og virtu rétt nágrannans á frið og ró. 
  • Lækkaðu í útvarpinu og spilara með heyrnatólum um tvö stig. 
  • Lækkaðu í sjónvarpinu um eitt stig. 
  • Ekki nota bílflautuna, nema í viðeigandi aðstæðum. 
  • Vertu meðvituð/-aður þegar þú ferð á hávaðasama íþróttaviðburði, veitingastaði, rokktónleika og skemmtistaði og íhugaðu að nota eyrnatappa eða álíka vörn fyrir heyrnina. 
  • Veldur frekar hljóðlátari afþreyingu í stað hávaðasamari, s.s. göngutúr, heimsókn á bókasafn og söfn. 
  • Óskaðu eftir því að tónlistin sé lækkuð á líkamsræktarstöðinni. 
  • Óskaðu eftir að hljóðið sé lækkað í kvikmyndahúsinu. 
  • Notaðu viðeigandi heyrnarhlífar ef þú verður að vera í hávaðasömu umhverfi (t.d. garðsláttur). 
  • Slökktu á sjónvarpinu á meðan kvöldmaturinn stendur yfir og eigðu rólegar samræður í staðinn. 
  • Nýttu þér fríar heyrnarmælingar. 
  • Dreifðu boðskapnum um hættur hávaðans. 

Munum svo: ein mínúta án hávaða kl. 14:15 – 14:16 þann 24. apríl.