Stök frétt


Undanfarið hefur verið unnið að gerð stjórnunar- og verndaráætlunar fyrir friðlandið við Varmárósa í landi Mosfellsbæjar. Friðlandið var friðlýst árið 1980 en síðast stækkað árið 2021.

Gerð áætlunarinnar var í höndum fulltrúa Umhverfisstofnunar og Mosfellsbæjar.

Tillaga að áætluninni og aðgerðaáætlun í tengslum við hana hefur nú verið lögð fram til kynningar á heimasíðu Umhverfisstofnunar.

Friðlandið við Varmárósa er votlendissvæði við ósa Kaldár. Þar vex m.a. plantan fitjasef sem er sjaldgæf hér á landi. Friðlandið er bæði mikilvægt vegna sérstaks gróðurfars og sem búsvæði fugla en svæðið er hluti af alþjóðlega mikilvægu fuglasvæði sem er á IBA-skrá. 
Eins og áður segir liggja drög að áætluninni nú frammi til kynningar og er öllum frjálst að koma á framfæri athugasemdum og ábendingum vegna hennar.

Hér má lesa nánar um friðlandið við Varmárósa og skila inn ábendingum.
Frestur til að skila inn ábendingum og athugasemdum varðandi tillöguna er til og með 19. maí 2023.